زراعة

لحوم الحمير…

وقت القراءة 5 دقيقة

الحصان مرجان بعته عدة مرات ثم عاد، السبب أنه اصيل وكل من يشتريه يطالب بأوراق هويته التي تعمدت إخفائها حتى لا يشارك به أحد في سباقات الخيل في تونس التي تعتبر قمار….

في الشتاء أكيد سمين الآن فقد وضعته عند عائلة أحد أصدقائي، لكن حاولت بيعه لجزاري لحوم الأحصنة وخفضت سعره حتى 1500 دينار ، يعني 500 دولار وهو ثمن كبش ، ثم ذهبت لجزار أحصنة فرفض شراءه …اليوم خطبة الجمعة الثانية عن حرمانية أكل لحم الحمر الأهلية … خطبة الجمعة أصبحت أكثر واقعية فقد قال الشيخ بأن جزاري لحوم الأحصنة في تونس عادة يبيعون لحم الحمير فليس لدينا عدد كبير من الأحصنة ، كلامه محق ويعتبر علمي فإحصائيا عدد الأحصنة قليل جدا و متأكد أن لحم الحصان هنا عادة هو لحم حمير … السبب أن لحم الخروف أصبح غاليا جدا والناس يفكرون في التوجه لشراء لحم الأحصنة…

مقال في مجلة jeune afrique الناطقة باللغة الفرنسية…

اليوم جمعة ، أول مرة أشرب cappicin ، هي قهوة بالحليب …

كابوتشينو

ثم ذهبت لمطعم يصنع البريك…

مقالات ذات صلة

بعدها ذهبت لجامع الحلفاوين ، أردت تصويره من الداخل لكن كان هناك مجموعة من النساء في صحن الجامع فلم أستطع التصوير…

هذه قصة فكاهية باللهجة التونسية قرأتها البارحة عن لحوم الحمير في trend وهذه تعليقات لأشخاص أحدهم جزار و الآخر موظف بلدية لديه شهادة حقيقية …

هاك السنين عام 2004 بمناسبة عطلة الشتاء قررت نا ونسيبي راجل اختي وقريبنا راجل بنت خالي يخدم ميكانسيان باش نمشوا لتونس لسوڨ الكراهب. فقنا بكري وقصدنا ربي ووصلنا لتونس عملنا دورة كبيرة في السوڨ وما كتبش باش نوخذوا كرهبة. مع نص النهار عزمنا من تونس ورجعنا لبوزيد. وفي الثنية جعنا ڨلنا نهبطوا في استراحة نتغدّوا ونكملوا طريقنا. جانا إلّي يخدم في الروستورون ڨلنالو اشنو الموجود. سمّالنا الاكلات الي عندو.
قريبنا الميكانسيان ڨالو جيبلي ربع دجاج. ونا ونسيبي كل واحد طلب قلاية علوش. جاب صحن دجاج لقريبنا وجابلي نا صحن قلاية العلوش ونسيبي هذا بيّاوي يفهملها بلباهي في اللحم. كي شاف صحن القلاية ڨدامي ڨال للخدام لا لا بطلت. جيبلي مشوي حوت. وبدينا نوكلوا قريبنا دجاج ونسيبي حوت ونا قلاية. كنّا جواعا برشا. وخاصة نا قبل بنهار عملت ماتش كورة وما تعشيتش بلباهي. وزيد حتى فطور الصباح هكاكا وبرّا. ونهبط على هاك القلاية كليتها الكلها. الصحن نظفتوا وشربت كعبة بوڨا وزدتها سيڨارو. حسّيت الدنيا دارت بيّا.
ركبنا في كرهبتنا وقصدنا ربي نسيبي يسوڨ وقريبنا بحذاه ڨاعدين يحكوا. ونا منتالي ساكت. تلفّتلي نسيبي وڨالي أحكي اشبيك ساكت. ڨتلو نحس في روحي متقلق. السيڨارو رهوجني. ڨالّي لا موش السيڨارو. راك ضاربلها صحن قلاية بلحم البهيم هذاكا الّي كوخرك. ڨتلو عليك بالله. ڨالي والله. تو بربي ثمّا صحن فيه كيلو نص لحم بخمسة لاف فرنك؟ ڨتلو وعلاش ما ڨلتليش؟ ڨالي لڨيتك غطست فيه. ڨلت دبّر راسو المهم يشبع.
بيني وبينكم حسيتو كعبرهالي ولد الحرام ونا جيعان. خدمني خدمة صحيحة. الجماعة ڨدّامي يحكوا ونا نحس في روحي دايخ. اصلا نحس في وذانيهم طوالت وما عادش مفرزهم اش يڨولوا. بقيت متكّي على شباك الكرهبة ونتفرج على الدنيا. العباد ما عادش تعنيلي حتى شي وحسيت مخي تبلانتا ونسبة الذكاء الّي عندي طاحت جملة وحدة. ووليت نخمم كان في الزوايل ومشاعري الكل منصبّة نحو البكمة. نتفرج في الخضار وين نشوف الحشيش نحب نهبط نتمرّغ فيه. ووين نشوف هايشة نحس بيها. كاني سمينة نفرح. وكاني ضعيفة نتألم دخلاني ونڨول مسكينة الواحد كي يشوف هم الهوايش ينسى همّو .
مشاعري الكل منجذبة للبهايم. كي وصلنا لنصر الله ريت كميون معبّي بالتبن ريڨتي سالت. الحاصل ما فهمت شي وزيد الدنيا سخنت عليّا نحّيت البلوزون وتوسدتها. كي وصلنا لفايض هبطنا لجزّار باش نوخذوا طرف لحم. نسمع في الجماعة يحكوا مع الجزار. قص من هنا زيدني من غادي أعطيني طرف كبدة لالا موش من غادي.. وكي جوا يخلّصوا فيه نسمع فيهم يتناقشوا معاه على السوم. الجزّار تلفتلي ونا ڨتلوا نلڨاش عندك ربوعي شعير. تبسّم الجزار وڨالهم هاو صاحبي. ريتو كيفاش حاس بينا على خاطر يعرف قيمة العلف. تو راهي شكارة الشعير بهاك الحساب.
فهمت انو الجزار هو بيدو مافاهم حتى كعبة. وما هوش داري يحالي. رجعت للكرهبة وجو الجماعة ووصلوني للدار ماعرفتش المفتاح. نضرب الباب بركبة جبتو في ثنين. حاسس بروحي لوكان نصك الحيط نهدوا. ڨعدت يجي ساعة ونا نتعرّف على اثاث الدار. وبعد حلّيت التلفزة باش نتفرّج في الاحد الرياضي. ما فهمت منو شي الرياضات الكل نشوف فيها رڨبي. شربت الماء وما لڨيت باش نهضّم. ڨلت نمشي لصيدلية الليل نلڨاش حاجة تهشني. وبعد ڨلت فك عليّا يعرضنيش واحد يهز يجلبني. شدّيت بلاصتي ورڨدت.
وما نحكيلكمش عديتها ليلة كاملة نحلم بالفصّة.الصباح لڨيت روحي ذهنت شوي وما رجعت لحالتي الطبيعية كان بعد نهارين.
نهار الجمعة رجعنا لسوڨ سوسة. ونحنا ماشين كي وصلنا لهاك الروستورون ڨالّي نسيبي هاو حانوت صاحبك مسكّر. ڨتلو بربي حبّسلي لحظة. ومشيت لحانوت جاروا وڨتلو بربي اشبيه الروستورن مسكّر. ڨالّي مولى المحل ربي يفرّج عليه الثلاث إلّي فات هبط عليه الحاكم. لڨوه ذابح بغلتين وجحشة. ڨتلو الله اكبر مسكين ربي يفرج عليه.وكي رجعت سألني نسيبي ڨالي آشبيه مسكّر. ڨتلو لالا ڨال مولى المحل عندو فرح.
صحيح لحكاية عندها تو أكثر من ثمنطاش سنة. لكن والله تو كي نشوف ناس تتصرف كي البهايم نعذرهم ما يحس بالجمرة كان إلّي عفس عليها. عالم البهايم عالم اخر عجيب وغريب. ما يعرفوا كان الي عاش فيه
ڨالّو قلاية علوش الله لا تربحوا غشني ونا جيعان

صغير حجلاوي✍️✍️

شهادة موظف بلدية عن ندوة
شهادة جزار

رياض فالحي

مهندس برمجة من تونس، أكتب عن الزراعة و المشي و القهوة و أحب التصوير و كتابة اليوميات...

نقاش

شاهد أيضاً
إغلاق
زر الذهاب إلى الأعلى